Demokrazia Bizitzen Ikasi programa abiaraztea, ikasleek demokrazia ezagutzeaz gain egunerokoan praktikatu dezaten: eztabaida, desadostasuna, entzute aktiboa, erabaki kolektiboak, eskubideak eta erantzukizunak landuz. Euskal Herri ireki, errespetutsu eta inklusiboa eraikitzeko, ikasleek aniztasun linguistikoa, kulturala eta soziala bizikidetzaren parte gisa ulertu beharko lukete. Helburua ez litzateke pentsamendu bakarra sustatzea, baizik eta iritzi desberdinak modu demokratikoan eztabaidatzeko gaitasuna. Ekintza-plana 1. Ikastetxeetako kultura demokratikoaren diagnostikoa egitea: parte-hartzea, gatazken kudeaketa, diskriminazioa eta ikasleen erabakitzeko aukerak. 2. Ikasleen batzarrak edo deliberazio-foroak sortzea, ikastetxeko gai errealak lantzeko. 3. Ikasleek udalerriko arazo bati buruzko proposamena garatzea, datuak bilduz eta eragileekin hitz eginez. 4. Aurrekontu txiki bat ikasleek deliberazio-prozesu baten bidez esleitzea. 5. Gatazken bitartekaritza, komunikazio ez-bortitza, desinformazioaren aurkako gaitasunak eta eztabaida publikoaren kalitatea lantzea. 6. Ikasleen, familien eta irakasleen esperientziak ebaluatzea eta beste ikastetxeetara hedatzeko gida bat sortzea.